Avslappingshelg

Laurdag og søndag var fine dagar. Åge var med på utflukt for å sjekka ut område for ev produksjon av såfrø, medan Torhild slappa av ved kontoret i sola.

Søndag låg me ved bassengkanten til eitt av dei finaste hotella i byen, og på ettermiddagen tok me ein kjøretur rundt i Accra for å bli litt betre kjent.

Akosombo Dam

Laurdag 26.1 var eg med på tur til Akosombo Dam som ein bonus i forhold til synfaring på eit potensielt område for nursery. Bak demninga ligg ein av dei største menneskeskapte innsjøane i verda, og her blir elkrafta for Ghana produsert.

På tur igjen til Agogo

Tysdag og onsdag denne veka fekk me ein tur nordover. Torhild fekk sjå trafikken i Ghana, overlessa lastebilar, holete vegar og smilande folk.

Ho fekk og ei slags "velkommen til Ghana" oppleving då me punkterte midt ute i bushen og måtte improvisera litt for å få laus reservedekket og oppdaga at me også hadde gløymt å ta med vatn. Heldigvis gjekk det fortare enn frykta å skifta hjul.





Her i området blir det dyrka kasawa, melon, appelsinar, tomat, mm. Tomatdyrking er ikkje heilt det same som på Talgje....






Ama poserer med hendene fulle av papaya.


På vegen tilbake passerer me mange bønder som har arbeidt på plantasjane sine, og dei er alltid glade for skyss.

Tilbake

Nå har me (Torhild og eg) alt vore mest ei veke i Ghana. Tida har gått fort, for det har vore mykje å gjera på fleire frontar. Merkeleg nok litt vanskeleg å omstilla seg att. Då eg kom heim, var eg ennå lenge i Ghana, mentalt sett, men eg var sikkert heime lenge nok til at eg treng tid på å finna meg heilt til rette att her.

Lørdag var eg med Thor og ein norsk-ghanear (Kwesi) til Accra. Dei skulle møta ein høgtståande politioffiser. På andre sida av gata var hovudkvarteret til kakaoforeninga, som også markerte støtte til Black Stars, fotballandslaget til Ghana. Rett oppover gata eit heilt vanleg daglegdags syn i gatebiletet i Accra.











I dag (søndag) har det afrikanske fotballmesterskapet startet med åpningskamp mellom Ghana og Guinea som Ghana vann 2-1. Stemninga var stor før kampen, og utruleg etterpå.

Torhild og har og vore i kyrkja i dag, og så tok me oss ein tur på stranda. Ikkje verst i januar...