Heimreis

I dag er det bare å samla trådane. Koffertane er stort sett pakka med likt og ulikt. Også denne veka har eg vore på farten. Nokre inntrykk nedafor:





Dette er ein lokal restaurant i Atebubu, der eg åt Fufu tysdag 4.12, - med høgre handa sjølvsagt.







Dette er toalettet til restauranten.








Her står eg ved sida av ei jatrophaplante i Dukusen.













Brua over elva har eg tatt bilete av før, men no var elva mindre og det gjekk an å koma over...











Kvinner og barn på veg heim. Dei fleste har lyst til å bli fotografert.

Søndagstur til Eastern Region

Søndag var me på tur til byar i Eastern Region, fekk treffa eit par chiefar og paramount chief for Kwaho. Han hadde ei form for mottaking av gjester og andre som ville treffa han, og alle chiefane måtte og vera til stades. Det var dei vanlege rituala med overlevering av gåver, presentasjon mm, og så var det dans til ære for paramount chief. Interessant oppleving.



Her sit paramount chief på trona si med viktige chiefar rundt seg. Paramount chief er formann for kakaostyret i Ghana, og dermed ein viktig mann med mykje makt.







Trommeslagarane hadde ein travel dag. Ein del av chiefane dansa etter tur.








Gruppebilete med ein av chiefane i Eastern Region.

Sjefen på besøk

Denne veka har me hatt Thor på besøk, og det har skjedd litt av kvart. Viktigast var nok signering av landavtale med paramount chief i Agogo. Der var det ein heil seremoni, med underteikning av avtale og rituell "velsigning" som høgdepunkt.







Her signerer Nana Sarphong avtalen.






Her blir avtalen "velsigna" med litt av schnapsen som er obligatorisk gåve når ein møter chiefar.









Me fekk lov til å sitja på desse stolane, noko som eigentleg ikkje er tillatt.






Elles har me knytta fleire kontaktar, starta for alvor planlegging av korleis me skal "rulla ut" 5000 ha før utgangen av juni. Dersom nokon har tips, er det berre å ta kontakt...

Etter at Thor reiste i går kveld, skulle eg gjera nokre småjobbar på Internett, men der var det ingen tilgang lenger. I dag tidleg ringde eg og lurte på kva som var feil. Kontoen var kopla av, for me hadde ikkje betalt! Men etter sist oppstyr har me betalt fram til jul, noko eg forklarte og ba om å bli tilknytta med ein gong. Vedkomande kunne bare gi meg tilgang 24 timar. Me måtte koma til kundesenteret for å ordna opp i dette... Jaja, 24 timar er det eg treng, for i morgon blir det reising igjen, for siste gong denne perioden. Skal mellom anna finna ein plass å starta frå i Agogo. Kjem truleg tilbake tysdag kveld.