Søndagstur

Me kom av garde med flyet klokka fire i går ettermiddag. Tok inn på hotell der me har vore før og slappa av før me sto opp litt før seks, åt frokost og kjørte av stad rett etter halv sju. Frå Kumasi gjekk vegen nordover til neste region og heilt til Lake Volta.



Me traff viktige folk i tradisjonelle klede. Desse er chiefar, og han som sit på den fine stolen er såkalla paramount chief, dvs. sjef over alle sjefar i sitt område.






Vegen i dette området var veldig bra. Trafikken var heller ikkje særleg tett, så det gjekk i godt over 100 store delar av turen.







Men ein kan jo støyta på litt av kvart, som t.d. ein tømmertransport. Minibussen med kristent bodskap er ikkje noko uvanleg syn. Dei fleste bilane har noko liknande i bakruta eller på skjermen.





Denne helga hadde me ein fordel av afrikanarane sitt forhold til tid og evne til å sjå stort på ting. I ein av byane me stoppa i var chiefane samla for å treffa oss på laurdag, men paramount chief og eit par til var likevel klare til å treffa oss dagen etter. Ikkje verst!